Ish-kryeministri Sali Berisha është futur me forcë në një nga sallat e selisë së Partisë Demokratike. Gazetarët që ndodhen në seli janë shprehur se kanë qenë shoqëruesit e Berishës ata që kanë hapur me forcë derën sepse ajo ishte e kyçur.
Ai së bashku me grupin e tij të kanë hyrë në një nga sallat e mbledhjeve. Berisha ka kërkuar që të mos ketë prani të mediave në sallë, duke u kërkuar që të dalin jashtë.
Ishte dhe anëtari i grupit Flamur Noka ai i cili u kërkoi mediave që të dalin jashtë.
Ndërkohë, në sallën tjetër ndodhet kryetari aktual i PD Lulzim Basha. Ky i fundit po zhvillon një mbledhje me zyrtarët e lartë të partisë dhe nuk e ka prishur në asnjë moment “terezinë” duke vazhduar takimin ku ndodhet sipas rendit të ditës.
