Zëvendës Ndihmës Sekretari i Shtetit i SHBA-së, për Çështjet Europiane dhe Euroaziatike dhe i Dërguari i Posaçëm për Ballkanin Perëndimor, Gabriel Escobar viziton sot Tiranën.
Rreth orës 11:55 ai ka mbërritur në selinë e partisë Demokratike ku do të takohet me kreun demokrat Lulzim Basha. Në takim janë edhe 4 nënkryetarët e PD-së dhe sekretari i përgjithshëm Gazment Bardhi.
Pas takimit pritet të flasë kreu demokrat, ndërsa zëvendës Ndihmës Sekretari i Shtetit i SHBA pritet të mbajë konferencë pas të gjithë takimeve që do të ketë me politikanë të ndryshëm shqiptare
Rreth orës 15:00 ai do të takohet me ministren e Jashtme, Olta Xhaçka, ndërsa në orën 17:00, zyrtari amerikan do të zhvillojë edhe një takim me kryeministrin Edi Rama, pa praninë e mediave.
Vizita e Escobar zhvillohet vetëm dy ditë para Kuvendit Kombëtar të thërritur fillimisht nga Berisha, i cili nuk njihet nga kryesia e PD-së. Nga ana e tij, Basha ka thërritur një tjetër Kuvend Kombëtar, të cilin e konsideron të ligjshëm, më 18 dhjetor.
