Ditën e sotme mazhoranca mundi të votojë vetëm 1 nga 3 kërkesat për komisione hetimore. Kryeministri Rama kundërshtoi publikisht kërkesën e opozitës për Komisionin Hetimor Beçhetti duke akuzuar se PD po mbron një të dënuar por nga ana tjetër dështoi të shpjegonte se përse ky I dënuar merr 120 mln euro nga paratë e shqiptarëve.
Mirëpo një tjetër komision hetimor i kërkuar nga opozita po kundërshtohet nga kryeministri Rama në mënyrë të fshehtë. Kërkesa e PD për komisionin hetimor të inceneratorëve duket se po gjen një mur të pakalueshëm në mazhorancë. Investigimet e medias ndërkombëtare BIRN por edhe një shkrim investigativ nga VoA kanë treguar lidhjet e errëta të qeverisë Rama me pronarin e inceneratorëve.
Partia Demokratike ngriti në vitin 2017 një interpelancë me ministrin Gjiknuri. Deputetja Tabaku i kërkoi llogarisë ministrit se përse ishin kryer plot 17 shkelje proceduriale dhe ligjore në miratimin e një kontrate për inceneratorin e Fierit dhe Elbasanit. Më vonë, opozita denoncoi se si kostot e fshehura dhe shkeljet ligjore kishin mundësuar Klodian Mërtirin që të përfitonte përmes një firme offshore edhe inceneratorin e Tiranës.
Në verën e këtij viti qyteti i Fierit dhe i Durrësit u mbushën nga mbetjet dhe djegia e tyre errësoi qiellin e qyteteve. SPAK ka marrë dy denoncime në lidhje me këtë aferë korruptive. Më problematike çështjen e bën edhe përfshirja e zv Kryeministrit Arben Ahmetaj i cili sipas një investigimi të BIRN rezulton të ketë qenë në të njëjtën makinë me Klodian Mërtirin. Ky i fundit është një biznesmen kontraversial i përfshirë në një skandal në Afrikë.
Jo rrallë herë kryetari i opozitës Basha ka denoncuar heshtjen dhe ndërprerjet që mediat e Tiranës dhe elita e opinionistëve kanë në lidhje me inceneratorët. Kjo heshtje është bërë edhe më e dukshme sot ku thuajse asnjë media nuk e ka trajtuar.