“Nuk ta hap derën njeri se e dinë që je babai dhe nëna e kokainës në të gjithë Evropën”

Kryetari i Partisë Demokratike Lulzim Basha gjatë replikave të bëra në parlament me kryeministrin Rama u ndal dhe te taksa e karburantit prej 240 lekësh e vendosur prej kryeministrit në vitin 2014.

Sipas Bashës kryeministri Rama ka detyruar ish-zëvendësin e tij Erion Braçe për të firmosur VKM-të e tij në mënyrë që ai vetë të mos shkojë në burg. Nga ana tjetër sipas Bashës, ish-zëvendëskryeministri Braçe firmoste Vendimet e Këshillit të Ministrave ditën dhe qahej natën.

Në mënyrë ironike kryedemokrati Basha këshilloi Braçen nga foltorja e Kuvendit, që kur t‘i shkojë SPAK-u me dhëmbë dhe jo ky që është aktualisht me protezë, të thotë për të shpëtuar që e detyroi Edi Rama.

“Me prokurorë që të vijnë natën që mos të shkarkohen nga vetingu, mos kujto këto i di vetëm unë. Edhe perëndimorët e kanë kuptuar që bëre sikur ndërtove ngrehinën e re të drejtësisë, por e ke pa ashensor, pa elektricitet, pa sistem hidraulik, të papërdorshëm.

Nga jashtë e ke bukur që ta shesësh ti në atio panairet e kotësive që shkon me atlete, por nga brenda të gjithë e

Përpara se të kthehem te kriza energjitike dhe kriza ekonomike dua të them se në fushën e ligjeve të drejtësisë jo vetëm që nuk merr vesh por je rrethuar nga injoranca. Injorancë totale, e frikshme, sovjetike. Kot të të shpjegoj ty “Jus Cogens”, ku ka detyrim më të madh të shtetit se të mbroj liritë themelore të qytetarëve.

Ti thua është shpallur në kërkim, dhe ne po mbrojmë një njeri të shpallur në kërkim, jo mor jo ! Arrestoje Bechettin. Po nuk ta hap derën njeri se e dinë që je babai dhe nëna e kokainës në të gjithë Evropën.

Ky është vendimi ka dalë nga Ministria e Drejtësisë, që ky thotë nuk ekziston, bashkë me interesin 120 milionë euro që sot Shqipëria duhet t’i paguaj këtij që është në kërkim. Ky meqë është në kërkim arrestoje! Ky je ti!

Kush e shtoi 240 lekë çmimin e karburantit në 2014-ën me taksën Rama. Detyron edhe dikë këtu që të firmoste VKM se kishe frikë mos shkoje në burg. Ai firmoste VKM të ditën dhe shante qeverinë natën. Kujt i djeg le të qeshë. U shkrive kush e di sa kohë ke pa qesh. Kur të vijë SPAK me dhëmbë jo ky me protezë thuaj që më detyroi ai”, tha Basha.