Nga Arnold Kariqi
Shqipëria!
Vendi ku je ndër më të mirët në shkollë, por notën e lartë e merr djali i deputetit!
Vendi ku je ndër më të mirët në politikë, por postin e merr idioti që di të serviloset më së miri!
Vendi ku je ndër lojtarët më të mirë, por qëndron në pankinë e nuk luan se nuk t’ka qejf presidenti!
Vendi ku je ndër këngëtarët me zërin më të bukur, por nuk bëhesh dot se të lenë shëndenë ata që pozojnë me tanga dhe videoklipet u’a bën dashnori barkderr!
Vendi ku mbaron studimet me dhjeta, por në punë futet ai që ka teserën e partisë, sado i paaftë qoftë ai!
Vendi ku inxhinjeri punon në call center dhe arkitekti kamarjer!
Vendi ku je doktor, por drejtori yt që drejton spitalin është një “bojaxhi”!
Vendi ku politika tall trapin 24 orë në ditë, por ne heshtim duke i shkuar nga pas për një çapë buke e kur s’na e japin atë, ulim kokën e marim rrugët për të vjelur rrush e ullinj nëpër botë!
Vendi ku hajduti quhet bir kurve dhe i ndershmi budalla!
Shqipëria, ky vend dikur Shqiponjash, e sot, i tejmbushur me dele dallkauke që vrapojnë si të marrë pas ujqërve…
Sa trishtim për vendin tim!
