Nga Ilir ALLKJA, mjek
Ajo që na ka munguar ne, si shoqëri shqiptare është solidariteti me njëri-tjetrin, për pasojë pushtetarët e gjithë ngjyrave na kanë sunduar fort.
Kur mua më pushuan nga puna për arsye që nuk kishin të bënin aspak me profesionin, pacientin apo disiplinën në punë, kam mbet pa fjalë, ndërsa kam lexuar qindra komente që gëzonin se qeveria më hodhi në rrugë.
A nuk mendonin se mund të isha një prej tyre; vellai, bashkëshorti, prindi apo djali i një prej tyre ??
Përse gjithë ky sadizëm në shoqërinë shqiptare ?!
Mes mjekësh solidaritetin nuk e kam njohur kurrë, dhe kjo është besoj arsyeja kryesore përse jemi katandisur në një shtresë kaq të margjinalizuar.
Akuzohet për korrupsion një drejtor, një ministër, një politikan – prokuroria nuk lëviz as gishtin.
Akuzohet një mjek, një pedagog, një infermier – direkt arrestohet me tam-tame .
Unë provova dhunën e pushtetit vetëm pse kërkova siguri e dinjitet në punën time, dhe MË PËRKRAHËN VETËM NJË DUZINË MJEKËSH !
E pra, unë u ndjeva i vetëm, e kështu janë ndjerë plot të tjerë, ndërsa indiferentët presin radhën në gijotinë .
