Është me të vertetë e dhimbshme ,tragjike, dramatike ,por një realitet aktual ,ku në shoqërinë aktuale shqiptare është krijuar një sundim i të fortëve dhe një nënshtrim i të dobtit, të ndershmit dhe të varfërit.
Shembuj të tillë hasen çdo ditë dhe qytetarët e ndershëm janë të detyruar ti nënshtrohen këtij ligji famëkeq ,sepse të fortit ,trafikantët,të korruptuarit kanë mbështetjen e padiskutushme të shtetit dhe politikës .
Të marrësh përsipër të kandidosh ,apo të merresh me politikë pyetja e parë që të drejtohet është ,se a ke biseduar me filanin apo fistekun,kë mbështet ky apo ai ,gjithmonë bëhet fjalë për persona të cilët e shkuara e tyre ska lidhje me punën e drejtëpërdrejtë, por me punën e paligjshme ,që sot në Shqipëri është kthyer në normalitet dhe realitet kohor.
Zaptuesit e tokave sot në Shqipëri janë njerëzit që kanë patur ose kanë pushtet,njerëzit e botës krimit apo trafikut të paligjshëm të lidhur këmbë e kokë me pushtetin e inkriminuar dhe politikën djallëzore në Shqipëri ,ndërsa pronarët kanë 30-vite që rrinë pas dyerve të drejtësisë .
Tenderat,konçesionet janë në një dorë të ngushtë të politikës dhe atyre që u sherbejnë këtyre politikanëve kundrejt shpërblimit ,mbeshtetjes në votime për blerjen e votave, pagesave për pushime lluksoze ,veshjeve e makinave të shtrenjta ,pasuri të palujtshme apo vila lluksoze.
Punësimi në administratën shtetërore ska lidhje me meritokracinë, aftësinë personale ,por vetëm me pagesën për vendin e punës ,lidhjet me politikën apo me të fortit që bëjnë ligjin kudo dhe urdhërojnë drejtuesit e institucioneve sikur të jenë vartësit e tyre.
Polici i thjeshtë dhe i ndershëm që mban familjen me atë rrogë është i detyruar ti nderojë sa herë kalojnë rrugës të fortit apo të afërmit e tyre, sepse drejtuesit e tyre drekojnë ,bashkëpunojnë më këto tipa të fortish.
Bizneset që po luftojnë për mbijetesë i nështrohen kontrolleve nga të gjitha organet ligjzbatuese ,ndërsa kush guxon të kontrollojë bizneset e të fortëve .
Ku mund ta gjejë drejtësinë qytetari i thjeshtë përballë të fortëve, pavarësisht se ku mund të jetë e drejta ,pasi ligji aktualisht nuk është në shërbim të drejtës ,por të padrejtës.
Politika e ka kthyer realitetin aktual në një mungesë totale shprese për të jetuar e punuar në Shqipëri dhe sot kushdo që po gjen një mundësi ka dëshirën dhe vullnetin për tu larguar një ditë e më parë nga ky vend.