Nga Sonila Meço
Në Velipojë me armë, në Sarandë me sëpata, në autostradën Fier-Vlorë shpejtësia marramendëse e Audi-t…marrin jetë njerëzish dhe kërcënojnë të pafajshëm.
Fajin e ka mjeti i përdorur për vrasje, apo rregullatori i bashkëjetesës mes njerëzve dhe institucioneve?
Fajin e ka mjeti i përdorur për vrasje, apo çdo institucion i dështuar për të vendosur ligjin mbi muskujt e xhepat e secilit?
Fajin e ka prodhuesi i armëve, i sëpatave, i Audi-t, apo ai që i keqpërdor pa i bërë syri tërr nga shteti, policia, ligji, drejtësia?
Nëse mentaliteti se gjërat zgjidhen me forcë dhe para e jo me ligj dhe institucione kalçifikohet në ndërgjegje kolektive edhe me duar do ta mbysin tjetrin në mos paçin armë, sëpata, thika…
Shqipëria sot ngjan me një kopsht zoologjik brenda xhunglës, porta e të cilit është pa çelës.
