Ndikimi rus dhe kinez/ Holanda: Të hapen negociatat, kështu e kontrollojmë më mirë Shqipërinë

BRUSSELS, BELGIUM - MAY 21, 2019 : German Minister of State for Europe Michael Roth (L) is talking with the Dutch Minister of Foreign affairs Stef Blok (C) and the EU Budget & Human Resources Commissioner Günther Oettinger (R) prior the start of a General Affairs EU Ministers meeting on May 21, 2019, in the Europa building in Brussels. The General Affairs Council coordinates preparations for European Council meetings. It is also responsible for a number of cross-cutting policy areas. The GAC is mainly made up of the European affairs ministers from all EU member states. The European Commission is usually represented by the Commissioner for interinstitutional relations, depending on the matter discussed. (Photo by Thierry Monasse/Getty Images)

Ambasada holandeze në Tiranë konfirmoi se Holanda ka rënë dakord për mbajtjen e Konferencës së Parë Ndërqeveritare me Shqipërinë.

Ambasada njofton se shumica e parlamentit ra dakord, dhe shton se procedura do të finalizohet nesër me votimin e mocioneve të mundshme të ngritura nga partitë apo grupet parlamentare.

“Sot, shumica e parlamentit ra dakord që të mbahet Konferenca e Parë Ndërqeveritare me Shqipërinë, pas miratimit të kuadrit negociator. Procedura do të finalizohet nesër me votimin e mocioneve të mundshme të ngritura nga partitë apo grupet parlamentare.”, njofton ambasada mes të tjerash.

Mustafa Amhaouch nga partia CDA, që dikur kundërshtonte hapjen e negociatave, tha se një arsye pse po bien dakord për çeljen e tyre është ndërhyrja ruse dhe kineze në Ballkan.

Ai tha se po ashtu, procedurat e reja të anëtarësimit nënkuptojnë se kontrolli ndaj vendeve që nisin negociatat është më i lehtë. Procesi mund të shtyhet, anulohet apo të kthehet mbrapsht nëse vendet përkeqësohen apo nuk përmbushin marrëveshjet dhe standardet.

Sjoerd Sjoerdsma nga partia D66 tha se do të duhen të paktën edhe dhjetë vite përpara se Shqipëria të futet në BE. Kundër nisjes së negociatave janë akoma SP, PVV dhe Forumi.

Akoma nuk është e qartë se kur do nisin negociatat me Shqipërinë, shkruan media holandeze. Kjo edhe për shkak se Bullgaria po bllokon nisjen e bisedimeve me Maqedoninë e Veriut