Nga Vehap Kola
Për të gjithë ata që më kanë shkruar apo kritikuar pse isha sot në Kryegjyshatën Botërore Bektashiane:
Po rrotullohet në varr Haxhi Bektashi kur dëgjon se janë bërë bashkë të pafe e të paditur për t’i shpallur bektashinjtë jomyslimanë.
Jo vetëm janë myslimanë, pra besojnë të njëjtin Zot, të njëjtin libër të shpallur – Kuranin -, ndjekin të njëjtin profet – Muhamedin -, por prej 100 e kusur vitesh janë pjesë e pandashme e bashkësisë shpirtërore të myslimanëve në Shqipëri.
Për besimtarët myslimanë të shqetësuar se pse Lulzim Basha u uroi Fitër Bajramin bektashinjve shqiptarë, u kujtoj se një politikani nuk i takon të marrë anë ndërmjet ndonjërës nga interpretimet e përhapura pas vitit 1990 rreth kësaj çështjeje.
Teza se bektashinjtë nuk janë myslimanë nuk është e pranuar nga dijetarët myslimanë në të gjithë botën. Përkundrazi, ajo është përhapur nga interpretime minorancë që kanë ardhur edhe në vendin tonë pas viteve 1990. Megjithatë, ajo mbetet një tezë me origjinë jomyslimane.
Ndërsa kushdo që nuk ka patur rastin të ndjekë urimin e Bashës në KMSh dhe ka menduar se ai ka injoruar institucionin e sunitëve, të durojë se deri nga fundi i ditës mund t’i shfaqet në murin e tij të Facebook. Po të marrësh lajmet për opozitën nga Karlo Bolino apo Mero Baze nuk është e ndershme.
Edhe një herë, dhe me këtë foto namazi i Bajramit sot në shesh, ju uroj gëzuar Fitër Bajramin dhe agjërim të pranuar te Zoti!
