Mbi 34.55% e votave (1789kuti) janë numëruar dhe forcë e parë sipas rezultateve të deritanishme është Partia Socialiste. Me 248 mijë e 130 vota (49.44 % ose ndryshe 69 deputetë). Me përllogaritjen e deritanishme, Partia Socialishte është 17 mijë e 590 vota para opozitës së bashkuar.
Partia Demokratike bashkë me Lëvizjen Socialiste për Integrim janë mjaft të favorizuara në zonën e Veriut. PD-ja ka 194 mijë e 611 vota (38.77% ose ndryshe 54 ulëse), ndërsa LSI-ja ka 35 mijë e 927 vota (7.16 %, ose ndryshe 10 deputetë). Në Shkodër PD-LSI marrin 43.20 % të votave, shumë më tepër se PS-ja që ka marrë vetëm 29.83 %, ndërsa në Lezhë PD-LSI që marrin 55.9% kundrejt PS me 42.8%. Edhe në Dibër, PD-LSI kryesojnë me 50.2% kurse PS ndjek me 47.2%. Në Kukës PD-LSI kanë 62.9% të votave, kurse PS 35.9%. PSD ka 9 mijë e 745 vota, 1,94%.
Në 8 qarqet e tjera PS-ja kryeson me mbi 50%. Më favorite është në Durrës e Vlorë ku ka mbi 56.1% dhe 58.4% të votave në këto dy zona. Një zhvillim i papritur ka qenë edhe tërheqja e Tom Doshit nga procesi i zgjedhjeve. Me një letër drejtuar KQZ-së, Doshi kërkoi zëvendësimin e tij. Vendimi i Doshit ka ardhur në mënyrë të papritur, kur në fakt PSD-ja sipas të dhënave zyrtare ka marrë një numër të konsiderueshëm votash, prej 5384 votash (3 deputetë).
Sot, votimi për zgjedhjet parlamentare, ka nisur që nga ora 7:00 e mëngjesit dhe deri në fund kanë ushtruar të drejtën e tyre 717,334 qytetarë shqiptarë, rezultat i lartë në krahasim me vitet e shkuara. Ndërkohë që 5199 QV kanë pritur 107 mijë e 024 të rinj, të cilët kanë ushtruar votën për herë të parë. Në këto zgjedhje marrin pjesë 12 parti dhe tre kandidatë të pavarur nga Lëvizja Vetëvendosje. I pavarur kandidon dhe minatori Elton Debreshi.
Partia Socialiste kërkon të marrë një mandat të tretë, që nuk është dhënë asnjëherë në historinë pluraliste të Shqipërisë, ndërsa opozita, e përbërë nga Partia Demokratike, Lëvizja Socialiste për Integrim dhe parti të tjera aleate kërkojnë rotacion. Exit Poll-et kanë nxjerrë fituese Partinë Demokratike, edhe pse rezultati ka qenë i ngushtë. Mesa duket do të jenë mandatet e LSI-së ato që do të vendosin krijimin e qeverisë së re.
