Nga Ervis Zholi
Ditët ecën pa kuptuar dhe tanimë fushatës elektorale në Shqipëri po i vjen fundi. Aq i largët dukej 25 Prilli dhe ja ku erdhi.
Prej mëse një muaj Shqipëria gumëzhoi nga zëri qytetar në pritje të Ndryshimit. Çdo cep i vendit, çdo majë, çdo kodër, çdo fushë u shkel nga kandidatët e Partisë Demokratike ku vihej re shkretimi i vendit në çdo aspekt.
Tanimë me Kodin e Ri Zgjedhor votuesit kanë mundësi të zgjedhin përveçse Partisë, por dhe kandidatin që ata dëshirojnë ti përfaqësojë në Parlamentin Shqiptar.
Zgjedhjet e kryetarit dhe kryesisë së Partisë Demokratike për vendosjen e kandidaturave ishin aq të lehta sa të vështira. Strukturat e Partisë Demokratike në përzgjedhje e kandidaturave vlerësuan figurën, karrierën dhe origjinën e kandidatit. Vëmendja kryesore e çdo kandidati për deputet që përfaqëson Partinë Demokratike është maksimizimi i mbështetjes për PD.
Marr iniciativën të shkruaj sot për Qarkun e Gjirokastrës.
Në këtë Qark vihen re emra të nderuar vihen re figura me integritet, figura me reputacion të lart dhe punëtor. Figura që gëzojnë mbështetjen qytetare.
Një Qark që u jep të drejtën 4 kandidatëve për deputet mundësinë për ta përfaqësuar në Parlament.
Partia Demokratike ka vendosur një listë vazhduese prej 6 kandidatësh.
Shqipëria gjatë këryre 8 vjeteve tanimë gjendet pranë një humnere politike. Qarku Gjirokastër renditet si Qarku më i dobët ekonomikisht. Një Qark që i ka munguar vëmendja e qeverisjes.
Ka ikur koha e miqve dhe shokëve. Tanimë qytetarët kanë nevojë për një njeri që punon për ta, ku primare ka mirqënien e qytetarëve.
Nga këto 6 figura të veçanta demokrate dëshiroja të veçoja kandidatin me nr. 5, Z. Myzafer Elezi, pedagogun dhe mikun tim dhe të shumë studentëve që kanë studiuar në qytetin e Vlorës, i cili mban gradën “Doktor” në shkencat juridike.
Një emër i cili u prit me euntuziazëm nga banorët e Qarkut Gjirokastrës.
Një qytetar i denjë i këtij vendi, një intelektual dhe një tepelenas i nderuar.
Karriera e ngjeshur dhe plotë angazhime politike dhe akademike e Dr. Myzafer Elezi është për tu pasur zili.
Një individ i cili ka trashëguar më të mirat nga familja e tij mbi të cilën rëndoi sistemi 45 vjeçar komunist. Një person, i cili i’a ka kushtuar jetën e tij Drejtësisë dhe Sigurisë.
Një ndër intelektualët dhe pedagogët më të vlersuar në universitetet me të cilat ka bashkëpunuar.
Vendosja i pesti në listën e kandidatëve për Qarkun Gjirokastër është dhe një sfidë personale e pedagogut, ku qytetarët do e mbështesin në rrugën e Tij për të mirën e tyre .
Emri i tij u jep siguri qytetarëve për zërin dhe mirëqenien e Qarkut të tyre.
Vendosja e Z. Myzafer Elezi i ka dhënë efektet e saj. Figura e tij ka të arritur të maksimizojë vota.
Takimet e shumta dhe pse të dyzuara nga Covid-19 kanë treguar vlersimin e figurës së tij.
Banorët po ndjejnë “ngrohtësinë” e një kandidati kundrejt tyre.
Ishin qytetarët e Tepelenës të cilët e propozuan për kandidat, dhe çdo familje tepelenase e ka mikpritur në banesat e saj duke i dhënë besim dhe përkrahje në rrugën e tij drejt Parlamentit shqiptar.
Dr. Myzafer Elezi do ishte zgjidhja e duhur.
Është zgjedhja e duhur për atë ç’ka ai përfaqëson në syrin e komunitetit, pasi është një individ me ide dhe plan të qartë për zhvillimin e Qarkut të Gjirokastrës dhe sidomos të zonës së Tepelenës.
Një personalitet i cili është premtues për Qarkun e Gjirokastrës dhe për Parlamentin 2021 – 2025.
Një individ të cilit nuk i mungon guximi dhe kurajua politike.
Duke shpresuar që qytetarët e Qarkut Gjirokastër do të dinë të bëjnë zgjedhjet e duhur për qeverisjen e tyre, nuk na ngelet gjë tjetër veçse ti urojmë suksese dhe ti japim mbështetjen tonë në rrugëtimin e tij.
Urimet më të mira.
