Kryetari i PD-së, Lulzim Basha, renditi sot një dështim shumë të madh të Qeverisë Rama në dy mandatet e qeverisjes së saj: “Shqipëria humbi 15 vende në tërheqjen e investimeve të huaja”, vërejti Basha në Instagram , duke cituar Indeksin Global të Mundësive 2021”.
Kur kanë mbetur vetëm tre ditë deri në zgjedhjet e 25 prillit dhe Kryeministri Edi Rama ditët e fundit po bën fushatë pikërisht duke i mëshuar investimeve nga jashtë, Basha ngriti sot këtë pyetje, së cilës i solli edhe dëshminë:
“Sa vende ka humbur Shqipëria në tërheqjen e investimeve të huaja? 5, 10 apo 15? Përgjigja: 15 vende. Indeksi Global i Mundësive 2021, Shqipëria humb 15 vende në tërheqjen e investimeve të huaja”, nënvizoi kreu i opozitës.
