Zgjedhjet e 25 prillit, kanë sjellë disa risi, të cilat do mbahen mend si qasje pozitiviste e partive të ndryshme për ndryshim imazhi dhe për përmirësim cilësor të listave të kandidatëve dhe stafeve të tyre elektorale.
Duke i hedhur një sy të beftë, vëren se në stafet e tyre elektorale, ka afrim të rinjsh dhe të rejash, që nuk janë thjeshtë kozmetikë fuashatash, por përfaqësojnë një të ardhme.
Ne vizituam zyrat e shtabit qendror të Aleancës “Demokracia e Re“, këtu në qytetin e Tiranës, ku kjo aleancë ka dhe pritshmëri të mëdha, pasi kandidati i saj potencial është kryetari Edmond Stojku, i cili njihet për mbështetjen dhe reputacionin që ka.
Mënjëherë të binte në sy organizimi strukturor i kësaj partie, që ndonëse e vogël në staf, ka afirmuar rreth vetes djem dhe vajza të arsimuar që i japin ritëm dhe dinamizëm fushatës dhe kontakteve me qytetarët.
Në zyrat e shtabit qendror, u pritëm me mjaft dashamirësi nga koordinatorja qendrore znjsh. Marinela Hysa, e cila pasi na njohu me objektivat e aleancës “Demokracia e Re“, ku përfaqësimi me mandat deputeti është pothuajse i sigurtë, bëri dhe një panoramë të aktualitetit politik dhe klimës në të cilën po zhvillohet fushata.
Znjsh Hysa, e cilësoi mjaft të rëndësishëm procesin zgjedhor të 25 prillit, duke nënvizuar domosdoshmërinë e ndryshimit të madh, si premisën e duhur të ecjes para në reformat e mëdha, si dhe në zgjidhjen e ngercit politik dhe institucional që Shqipëria është futur prej kohësh.
Më tej, koordinatorja politike e kësaj aleancëe, znjsh. Marinela Hysa, u ndal në metodologjinë e organizimit të fushatës nga ana e subjektit të tyre, duke vecuar vullnetin e shumë të rinjvë dhe të rejave për të qenë pjesë e tyre, dhe të imponuar nga kjo energji rinore, fushata e alancës “Demokracia e Re“ ka një fokus të gjerë të takimeve me qytetarët dhe me rininë.
Koordinatorja politike e kësaj aleance, Marinela Hysa, nuk është një emër i panjohur, i medias dhe i shoqërisë, pasi ajo vjen nga një sërë angazhimesh të saj profesionale, qoftë në fushën e psikologjisë së edukimit, apo dhe të në sërë impenjimesh të tjera, duke qenë një vokacion permanent i mbrojtjes së lirive dhe të të drejtave të qytetarëve.
E mirarsimuar për psikologji edukimi, Marinela Hysa, është gjetja e duhur e kësaj aleance, duke i besuar asaj, rolin e koordinatores qendrore, pasi deri më tani, ajo ka ditur mjaft mirë të kanalizojë energjinë dhe vizionin e saj në funksion të rritjes së kapaciteteve politike të grupit ku aderon.
Edhe pse në takime intensive me banorët, përditshmëria e saj është po e njëjta; demonstron finesën e raportit dhe të komunikimit me qytetarët, është e vëmendshme ndaj zhvillimeve dhe ndjek në mënyrë aktive korpusin e ngjarjeve ditore, duke dëshmuar se politika për atë është mundësia e dhënë në jetë për të qenë në shërbim të qytetarëve, dhe si e tillë, këtë qasje ajo e ka në gjenezën e saj, sepse vjen nga një familje, e cila është përfaqësuese e vlerave më të mira qytetare të Elbasanit dhe me një kontribut të madh prej shumë dekadash në sferat publike dhe në politikëbërjen lokale.
Marinela, me stilin e të bërit fushatë, po surprizon subjektin e saj aderues, pasi energjizmi dhe papërtueshmëria janë indikatorët realë të potencialit fushatist të saj, e cila e fillon ditën me një axhendë të mirëpërcaktuar, duke mos humbur asnjë sekond nga koha e cmuar e takimeve me qytetarët, duke u shpalosur atyre vizionin, programin, dhe nevojën e ndryshimit.
Nuk ka dyshim, që roli i Marinelës, si koordinatore politike e aleancës “Demokracia e Re“ ka një ndikim mjaft pozitiv në rezultatin e pritshëm të 25 prillit, si dhe në afirmimin e një partie të strukturuar dhe të koordinuar qartësisht dhe me ambicie të ëmdha.
