Kurbini prej muajsh është rikthyer në kantier ndërtimi,pas dëmeve që solli tërmeti i 26 Nëntorit dhe jo vetëm aq. Sikur të mos mjaftonte situata e krijuar në këtë prag parazgjedhor ku të pjesa më e madhe e rrugëve të qytetit po u nënshtrohet rikonstruksionit të tyre duke shkaktuar kështu jo vetëm trafik,baltë e rrugë të pakalueshme për këmbësorët,shqetësim janë kthyer edhe qentë endacakë.
Me dhjetra të tillë i ndesh kudo në rrugët e qytetit ,te lulishtja, te sheshi e ku të ketë një hapësirë rruge për të kaluar. Kjo situatë është shqetësuese pasi jo vetëm mund të kafshojnë ,por janë burim i fortë infeksioni pasi ato nuk janë të vaksinuar.
Më të rrezikuarit janë ato më të pamundurit për t’u mbrojtur fëmijët dhe të moshuarit. Të qëndrosh i ngulur në një vend për disa minuta derisa qentë endacakë të lëshojnë rrugën,tashmë nuk është më habi ,veçse një problem prej kohësh që nuk po merr zgjidhje nga pushteti vendor. (Infopressalbania/Elsa Sula)
