Mbrëmjen e djeshme kryeministri Edi Rama ishte i ftuar në emisionin “Log.” të drejtuar nga Endri Xhafo në ABC. Biseda me Xhafon dhe dy panelistët Mentor Nazarko dhe Erlis Çela ishte e fortë dhe trajtoi shumë cështje të rëndësishme, ndërsa kryeministri Edi Rama pas 2 orë e 30 minuta u largua nga studio e improvizuar në Sarandë, pasi ndihej i lodhur.
Debati në studio
Edi Rama: Nuk do të më bëni më asnjë pyetje tani, do të më lini të iki, më shkatërruat….Më jepni të drejtë mua, se ju do të merreni me blloqe publicitare do të më mbani këtu, e di unë sesi funksionon, jam produkti juaj më i rëndësishëm publicitar kështu që jeni ata që jeni më të interesuar që në 25 prill të votoni për interesin tuaj të më keni mua prapë.
Endri Xhafo: Nazarko do ju pyeste për politikën e jashtme…
Edi Rama: Greqia dhe Turqia nesër janë te kulla dhe do të na ndihmojnë.
Endri Xhafo: Mos e hiqni mikrofonin se nuk doli asnjë gjë.
Mentor Nazarko: Ja arritët qëllimit të pajtonit grekët dhe turqit te kulla e kontrollit shqiptar.
Edi Rama: Nuk ka rëndësi, do të jenë bashkë aty, do të bashkëpunojnë për të garantuar që ne ta kalojmë këtë situatë duke ripërtërirë edhe trupën atje.
Endri Xhafo: Ta bëj unë mbylljen përpara se të hiqni mikrofonin?
Edi Rama ngrihet dhe largohet nga studio e improvizuar
Endri Xhafo: Mirë ju vazhdoni, ne bëjmë mbylljen…
Edi Rama: Do merreni me blloqe publicitare do të më mbani këtu, e di unë si funksionon, jam produkti juaj më i rëndësishëm publicitar….
Endri Xhafo: Pa ne ndoshta nuk do të kishit ekzistuar politikisht. Do të kishit ekzistuar politikisht pa mediat?
Edi Rama: Jeni ata më të interesuarit që në 25 prill të votoni për interesin tuaj pasi, që të më keni mua prapë, pasi pa mua audiencat tuaja bien.
Endri Xhafo: Ju faleminderit, gjithë të mirat, respekte
Edi Rama: Mirupafshim
Endri Xhafo: E mbyllim në mënyrë pak të pazakontë këtu Log. Kemi qenë për 2 orë e 30 minuta nga Saranda. Ka shumë cështje që mbeten, por një intervistë nuk mund të jetë totalisht shteruese, është e tepërt të kesh ambicien për të pasur një intervistë shteruese, që ti thotë të gjitha.
ABC
