Nga Irena PROGNI, anëtare e Këshillit Kombëtar, PD
Të dashur miq,
Le të mos dëshmojmë edhe sot, se bindjet tona të vogla politike sundojnë mbi Shqipërinë, kombin tonë dhe të ardhmen e shqiptarëve!
Rilindja, që erdhi si sekt politik, i vetëdeklaruar as i majtë dhe as i djathtë, duke mos përfaqësuar asnjë ideologji e vlerë të majtë shqiptare, shkatërroi në këto 8 vjet, ç’i doli përpara, kombin, historinë, drejtësinë, ekonominë, burimet natyrore, arsimin, shëndetësinë, integritetin, pavarësinë, etj., duke mbjellë çdo ditë qëllimisht shkombëtarizim, shitje dhe tjetërsim të vlerave qytetare, historike, kulturore, varfëri ekstreme të të gjithë shqiptarëve, shkatërrim dhe tjetërsim të çdo sistemi, sado pak funksional për shqiptarët, promovim të bandave dhe klaneve të rrezikshme në kurriz të shqiptarëve, ua vodhi shqiptarëve çdo pasuri të tundshme dhe të patundshme dhe ia dhuroi lavanterive më të rrezikshme në Shqipëri e më gjerë!
Ne sot po vuajmë për çdo lloj shërbimi, që e paguajmë me taksat tona, por nuk e marrim nga sekti mavi, pasi shkon për PPP-të e miliarderëve, ne vuajmë për punësim, për mundësi të barabarta konkurrimi, për arsim, shëndetësi, infrastrukturë, bujqësi të shëndetshme, paga e pensione më të mira, mundësi dhe promovim për të rinjtë, etj., ndërkohu kreu i sektit mavi, i kthyer në një “bej”, që ecën me duart e lidhura mbrapa, shet akoma premtimet e 2013-ës, projektet, që nuk kanë gjeneruar asnjë punësim e shpresë për shqiptarët, por veç mjerim!
I konvertuar në një “Erdogan bey”, me duart e lidhura mbrapa, siç bëjnë të gjithë perandorët gjakpirës, kreu i sektit mavi i marrosur dhe në delir nga madhështia e tij boshe, ende gënjen shqiptarët me rërë e zhavorr, me kontrata pune 3 mujore, me pagesa faturash e lista dyqanesh për fukarenjtë e gjeneruar prej tij, etj.
Kërma të tilla politike duhen zhdukur njëherë e mirë nga faqja e dheut!
Neve na takon të tregohemi shqiptarë të denjë, se kemi gjak shqiptari, se besën nuk e lidhim me të pabesin, dhe se i pabesi dhe tradhëtari duhet të shpaguajë për dëmin e madh, që na ka shkaktuar!
Vota juaj është vendimtare për mua, familjen time, për ju, familjen tuaj dhe gjithë shqiptarët!
