Në mesin e një debati se cila nga partitë ka kandidatët për deputet më cilësorë, sondazhi i Antonio Notos dhe Rtv Ora konstaton se 34.9 e qytetarëve vlerësojnë listën e PS dhe Edi Ramës.
30.4% vlerësojnë listën e Bashës dhe aleatëve, 5.5 listën e LSI dhe Monika Kryemadhit.
Pëlqyeshmëria e 2.3% të qytetarëve shkon për listat e partive të reja.
Ndërsa 26.9% janë shprehur se nuk e dinë.
Po si i përgjigjen kësaj pyetje zgjedhësit e partive.
Në kampin blu, 84.1 vlerësojnë listën Basha, 2.3% vlerësojnë listën e PS, 12.4 janë të pavendosur.
Te LSI 90.2 e zgjedhësve i vlerësojnë kandidatët e tyre më të mirët, 1.5% vlerësojnë ata të PS dhe 1.7% ata të PD. Të pavendosur janë 6.5.
Mobilizim ka edhe te zgjedhësit e partive të vogla, ku 95.3% e tyre thonë se kandidatët më cilësore i kanë këto parti.
Një fakt interesant është se PD ka arritur të bindë 23.8% të të pavendosurve nga 6.9% që ka PS dhe 1.8 LSI.
Listat e tjera kanë pëlqyeshmërinë e 4.1% të të pavendosurve ndërsa 63.4% e tyre notojnë akoma në ujërat e “Nuk e di”.
Zgjedhësit që nuk votojnë nuk prishin qejfe mes partive. 14% e tyre vlerësojnë listat e PD-PS, 10.9% LSI, 3.2% partitë e tjera dhe 57.8% shprehen se nuk e dinë.
