Lideri demokrat Lulzim Basha ditën e sotme është ndalur në qytetin e Durrësit, ndërsa ka zhvilluar një takim me gratë dhe vajzat për të prezatuar programin e PD-së për rritjen e punësimin të tyre.
Gjatë fjalës së tij Basha tha se nëpërmjet këtij programi PD synon që t’i japë fund diskriminimit ndaj grave shqiptare.
“Kjo qeveri ka promovuar modele të dhunës ndaj grave. Pas 8 viteve nuk ka asnjë progres për të drejtat e grave dhe barazinë gjinore”, tha Basha.
Flutura Açka gjatë kësaj bisede u ndal tek një nga problematiket me të cilat përballet sot vendi, shpopullimi. Ajo u shpreh se projektet e PD-së do t’i japin mundësi grave në Shqipëri të marrin vendin që ata meritojnë.
Ndërsa deputetja Oriola Pampuri tha se prioriteti i PD është zgjerimi i shërbimeve komunitare për gratë dhe vajzat.
“Mbështetje për viktimat e dhunës duke ofruar shërbim psiko-social e ligjor falas.
Prioritet do të jenë zgjerimi i shërbimeve komunitare për gratë dhe vajzat. Tani është koha për një qeveri që kujdeset për ju zonja të nderuara”, deklaroi Pampuri, ndërsa shtoi se kjo forcë politike është shtëpia e lirisë.
