Kreu i Partisë Demokratike, Lulzim Basha është surprizuar nga qytetarët e Kavajës të cilët janë mbledhur në turmë për ta pritur.
“Kujdes maskat! Ju falenderoj nga zemra. Bashkë për ndryshimin. Rama ik!” tha Basha duke iu kujtuar masat anticovid të mbajtjes së distancës.
“Mbajmë pak distancë se jemi shumë afër njeri tjetrit“, dëgjohet të thotë ai, i cili për t’i përshëndetur të gjithë ka hipur mbi makinë.
Mbështetësit kanë shpërthyer në ovacione për t’i treguar Bashës mbështetjen ndaj tij.
Pak më parë Komiteti Teknik i Ekspertëve njoftoi ndalimin e grumbullimeve elektorale për dy javët në vazhdim.
