Zgjedhjet e 25 prillit për Kuvendin e Shqipërisë, në shumë qarqe të vendit paraqesin një garë që kapërcen llogoret politike, pasi me regjistrimin e më shumë se dy koalicioneve dhe të disa subjekteve, përplasja është bërë shumë interesante dhe qytetarët kanë mundësinë të vozojnë kandidatët e tyre të preferuar, që vijnë jashtë listave të tre partive të kryesore.
I tillë është dhe qarku Lezhë, ku përpos emrave që vijnë nën siglën e PD, PS dhe LSI, prej rreth një dekade në këtë trevë është faktor shumë i rëndësishëm dhe Eduart Ndocaj, i cili ka fituar simpatinë e bashkëqytetarëve të tij si dhe ka dëshmuar seështë një kockë e fortë për të gjithë rivalët me të cilët është përballur.
Në këto zgjedhje, kaubojsi vjen nën siglën e Aleancës Demokracia e Re, dhe me mbylljen e afatit të dorëzimit të listave zgjedhore, ish-deputeti u ka bërë thirrje zgjedhësve të qarkut Lezhë të votojnë listën e këtij koalicioni, pasi sipas Ndocaj, është një listë përfaqësuese për të gjithë hapësirën territorial të këtij qarku.
Ndocaj, i fton zgjedhësit t´ì japin vlerësim real votës së tyre, pasi kështu mund të marrin në duar fatin e tyre të nëpërkëmbur.
