Sekretari i Përgjithshëm i Partisë Demokratike, Gazment Bardhi ishte sot në Elbasan ku është takuar me disa banorë të fshtarave, ku është njohur nga afër me hallet dhe problemet e tyre.
Në një postim në rrjetet sociale, Bardhi, drejtuesi politik i këtij qarkut thotë se socialistë e demokratë kanë tetë vite të braktisur nga Edi Rama, pasi të gjitha premtime e bëra nuk janë mbajtur çka ka sjell edhe largimin e të rinjve.
Bardhi shkruan se më 25 prill do të vijë qeverisja që u bën rrugët, u siguron vaditjen dhe jep rimbursim për bujqësinë e blegtorinë, duke premtuar se PD do të kthejë normalitetin në jetën e çdo banori të fshatrave në Shqipëri.
“100 milionë euro në vit mbështetje për bujqësinë dhe blegtorinë do shkojnë për fshatarët dhe fermerët, jo për xhepat e miqve të qeveritarëve”, përundon Bardhi.
Postimi i plotë:
Banorët e fshatrave të qarkut Elbasan mbijetojnë falë punës së palodhur nga ku sigurojnë produktet e bujqësisë dhe blegtorisë. Socialistë e demokratë kanë 8 vite të braktisur nga Edi Rama. Asnjë premtim i mbajtur, asnjë mbështetje, zero investime. Kjo ka sjellë braktisjen masive të fshatrave nga të rinjtë. Imagjinoni nëse ata do kishin një qeverisje që u bën rrugët, u siguron vaditjen dhe jep rimbursim për bujqësinë e blegtorinë. Pikërisht kjo qeverisje do vijë me 25 prill.
Ne do të kthejmë normalitetin në jetën e çdo banori të fshatrave tona, duke ndalur braktisjen masive nga të rinjtë. 100 milion euro në vit mbështetje për bujqësinë dhe blegtorinë do shkojnë për fshatarët dhe fermerët, jo për xhepat e miqve të qeveritarëve.
Me Partinë Demokratike Elbasani fiton. Shqipëria fiton
