Partia Demroaktike, reagoi sërish për përgjimet e Antimafias italiane të publikuar në Ora News, duke theksuar se Edi Rama dhe kryebashkiku Erion Veliaj, japin koncensione dhe leje ndërtimi për të përfituar 20% të parave të mafias italiane. Belind Këlliçi tha se kjo është qeveria më e keqe dhe më e korruptuar, duke u kthyer një rrezik për shqiptarët.
Partia Demokratike thotë se përgjimet e Antimafias italiane tregojnë kryeministrin Edi Rama dhe kryebashkiakun Veliaj ashtu siç janë në të vërtetë, politikanë që i shërbejnë mafies kundrejt ryshfetit 20 %.
Sipas Partisë Demokratike kjo është edhe arsyeja pse nuk ndalet dhënia e koncensioneve dhe lejeve të ndërtimit.
Këlliçi: Këto 48 orë keni patur mundësinë të shikoni kryebashkiakun e Tiranës siç është në të vërtetë, një politikan që i shërben mafies italiane kundrejt rryshfetit 20 %.
Përgjimet e anti-mafies italiane, që po publikohen çdo ditë nga Ora News, e zhveshin Erion Veliajn nga propaganda e blerë shtrenjtë me paratë tona, duke e nxjerrë një politikan të rrezikshëm për vendin dhe thellësisht të korruptuar.
Antonio Gallo,, sekser kyç i hetimit të antimafias italiane për zbulimin e bashkëpunimit mes Politikës-Mafias-Biznesit, shprehej gjatë bisedave të përgjuara se në Shqipëri rregullat e lojës ishin të qarta, kryeministri merr 20% e tenderave dhe koncensioneve, ndërsa zari i tij, Erion Veliaj, do 20% e fitimit që të firmosë lejet e ndërtimit.
Prandaj nuk ndalet Rama së dhëni konçensione!
Prandaj nuk ndalet Erion Veliaj duke ngritur kulla. Aq sa nuk kurseu dhe Sahatin e Tiranës.
Kjo është jo vetëm qeveria më e keqe e Shqipërisë, por dhe më e korruptuara!
Erion Veliaj faktohet nga përgjimet e antimafias si një kolektor i parasë së pistë në Tiranë. Je kapur MAT, Erion! Nuk ke ku shkon. Fërkoje duart kur dolën përgjimet për Sajmir Tahirin, por një fat edhe më i zi se i tij të pret.
Jeni demaskuar nga Anti Mafia e Italisë, e një shteti themelues të Bashkimit Europian, derën e të cilit shqiptarët e kanë të mbyllur, për aq kohë sa vendi ka në krye ortakët e Ndrage’tas.
Partia Demokratike ka sërish një thirrje për prokurorinë speciale.
Këlliçi: Prokuroria e Posaçme Antikorrupsion nuk duhet të heshtë! Më e pakta që mund të bëjë SPAK është të ruajë standardin e ndjekur me Saimir Tahirin! Heshtja e SPAK është kundër interesit të Shqipërisë dhe qytetarëve që presin me padurim veprimin e drejtësisë njësoj për të gjithë.
Shqiptarët meritojnë shumë më shumë se një prokurori që hesht përballë mafies qeveritare, shumë më shumë se një kryebashkiak dhe kryeministër ortak me mafien italiane.
Në 25 prill, Shqipëria do të shkëputet nga kthetrat e mafies. Së bashku me shqiptarët e ndershëm, ne do të bëjmë ndryshimin! Nën drejtimin e Partisë Demokratike do të kemi konkurrencë të lirë, vlerësim në bazë të meritës, afrim të investimeve që hapin vende pune25 prilli është një ditë mundësie dhe ndryshimi! Është ditë për drejtësi!
