Nga Indrit VOKSHI
Po e pompojnë dhe po e promovojnë vizitën e Ramës në Turqi. Po e reklamojnë. Por çfarë duan të na thonë? Cili është mesazhi që përcjell sot ceremonia për një kryeministër i cili më parë, ka shkuar në Stamboll edhe pa ceremoni, si shok, me tuta e këmishë e na ka postuar foto prej Dolmabahce Sarajit, sikur të ishte turist?
A po sugjestionin Turqia zgjedhjet në Shqipëri, duke përdorur ndikimin e vet tek simpatizantët ndaj Turqisë e duke u thënë atyre “mbështesni Ramën”? Varet si e sheh, dikush mund ta shohë kështu, dikush ndryshe.
Nëse Turqia e bën ketë, ajo do të humbë simpatinë e shumë shqiptarëve. Sepse njerëzit nuk munden ta durojnë më një satrap psiqik dhe megahajdut i cili e ka shkatërruar ekonominë shqiptare dhe e ka dhunuar popullin shumë rëndë.Ketë fat kanë pasur ambasadat e huaja dhe përfaqësitë në Shqipëri.
Ato deri para pak vitesh na predikonin demokraci dhe shqiptarët kultivonin njëfarë respekti, mirëpo sapo u kuptua se po mbështesin regjimin psiko-autoritar, reputacioni i tyre u shkatërrua. Askush nuk i nderon më. A do të ketë Turqia të njejtin fat? Them se po.
Shqiptarët sot janë më të informuar. Kanë mësuar të mendojnë në mënyrë kritike, nuk besojnë më në shumë mite dhe gënjeshtra dhe u është rritur aftësia për të dyshuar.Ketë shekull, Turqia nuk ka qenë shtet armik i Shqipërisë. Kjo duhet pranuar. Respekti është kultivuar prej rolit të saj gjeostrategjik, veçanërisht prej vitit 1997.
Mirëpo, shqiptarët nuk do ta kontestojnë Turqinë në nivelin gjeostrategjik. Do të kontestojnë uljen e nivelit dhe përfshirjen e Turqisë për të ndikuar në qeverisjen e Shqipërisë. Nëse kontestojnë ketë, nuk “hyjnë në gjynah”, sepse ne si popull nuk ja kemi borxh askujt që të mbështesë e të na dënojë, duke na lënë mbi krye një psiko-kryeministër i cili po e mbyt popullin shqiptar.
