Ardhtë i mbarë Vitii i Ri 2021 !
Të dashur bashkombas kudo ku jeni breda dhe jashtë vendit, ju uroj;
Gëzuar Vitin e Ri 2021.
Lutem dhe shpresoj që viti që lamë pas të na shërbejë si një vit nxitje për të reflektuar brenda nesh dhe për të kuptuar se mbi të gjitha primare është shëndeti, përkujdesja dhe dashuria për njëri- tjetrin.
Duke kuptuar thelbin se jeta është e bukur, duhet të bëjmë çmos që të dimë ta jetojmë atë, në një vend ku paqja, liria dhe sovraniteti të jenë legjitime dhe të patjetërsueshme.
Kurajo dhe forcë për të gjithë ata që ju është dashur të përballen me probleme dhe fatkeqësi nga më të ndryshmet gjatë vitit që po lëmë pas.
Uroj që viti 2021 të jetë një vit zgjimi, ndryshimi dhe kthjellimi, rimëkëmbje e shprese për një Shqipëri më të mirë e për të gjithë ne më të qeshur e më të lumtur.
Le të jetë Viti i Ri 2021, vit i kthimit të shkollës e diturisë, dasmave dhe dashurisë, i kontakteve dhe komunikimeve mes nesh ashtu si vetë natyre dhe shoqëria i ka akorduar ato me notat më të mira të simfonisë jetësore njerëzore.
Uroj që I PLOTFUQISHMI, të bekojë me më të mirat e mundshme çdo shqiptarë dhe çdo familje të tyre përgjatë Vitit të Ri 2021. GËZUAR!?☝️
