Shpetim Axhami, kryetar i PLL
Për ata që duan shtetin dhe jo pushtetin!
Shqiptarët do të dinë se si të reagojnë ndaj së keqes që i ka mbërthyer!
Besoj se situata ku gjendemi ka bërë që shqiptarët të jenë koshient e të gatshëm të bëjnë ndryshimin duke ndeshkuar këtë keqqeverisje që për tetë vite i katandisi ata më të varfër, më të dhunuar psikologjikisht e më pa shpresë se vendi i tyre nuk bëhet.
Vaclav Havel, president i fundit i Çekoslovakisë e i pari i Çekisë, disident thoshte se “politikanët janë pasqyrë e shoqërisë dhe mishërim i potencialit të saj”.
Pas Luftës dytë botërore, diktaturê komuniste, dhe pas viteve ‘90 një tranzicion i gjatë me shumë dështime në ndërtimin e shtetit demokratik, ku kjo nuk mund të kenë emër tjeter veçse pasojë e vullnetit të disa pushtetarëve të paskrupullt.
A i meritojmë pushtetarët që kanë qeverisur vendin tonë qysh prej LDB, në diktaturë dhe ata që shtrembëruan pluralizmin e demokracinë pas viteve ‘90, mondoj se JO.
Po të vëmë re për gjatë kohës së kaluar vemë re se shqiptarët kanë ditur të reagojnë pozitivisht me potencialet e tyre duke hedhur poshtë atë që ka qenë e padrejtë për ta, e njëkohësisht kanë vertetuer të kundërtën e asaj, që qëllimisht shpesh artikulohet, se ky popull është i majtë e nuk ndryshon.
Mjafton të kthejmë shikimin tonë jo aq larg në kohë, në vitin 1992 dhe rezultatet zgjedhore të atij viti, ose tek rezultati i referendumit në 1997 rezultat inkurajues dhe vullnet shqiptarësh, por fatkeqësisht i manipuluar ose, më afër nesh, tek zgjedhjet e vitit 2005 pavarsisht se edhe këtu ka pasur shumë manipulime, për të kuptuar se një përcaktim i tillë është i gabuar dhe disfatist.
Populli ynë, sidomos votuesit e djathtë, e kanë kuptuar se disa pushtetarë nuk kanë marrë në konsideratë shqetësimet e qytetarëve dhe nuk kanë qeverisur mbi parime të qëndrueshme por mbi spekulimet e politikës dhe në interes të tyre, prandaj i ka ndëshkuar e do i ndëshkoj këta.
Imagjinoni një vend ku pas 30-vjet demokraci detyrohemi të bejmë Veting në drejtësi, si pushteti më i korruptuar, dhe ligj dekriminalizimi për politikanët dhe pushtetarët e lartë që do të thotë është bajatosur legjislativi dhe ekzekutivi i drejtuar prej tyre, të kriminalizuar e korruptuar, vertetuar kjo botërisht.
Kjo tregon se pushtetarët tanë nuk kanë dashur shtetin por pushtetin që ta shfrytëzojnë atë në interes të tyre.
Populli nuk është i majtë, ai di se si dhe kur të ndëshkojë ato që e keqqeverisin
Prandaj jam i bindur se qytetarët shqiptare, me zgjuarsinë dhe inteligjencën e tyre, si edhe e kanë treguar herë pas here, jo vetëm do të dijnë të i bashkohen ndryshimit por do të dinë se si të shkëputen prej atyre që duan pushtetin e jo shtetin. Këtë radhë ju jepet edhe mundesia e përzgjedhjeve individuale brenda grupimt pro ndryshimit.
