ryeministri Rama njoftoi sot në orën 18:00 një dalje publike lidhur me vrasjen e 25-vjeçarit nga një efektiv policie. Një ditë pas protestave të dhunshme që shoqëruan vrasjen e të riut, Kryeministri pati edhe një vizitë në familjen Rasha.
Ndërkohë përmes një publikimi në rrjetet sociale, ish-Kryeministri Sali Berisha pohon se Rama ka vendosur tashmë shkarkimin e ministrit Lleshaj. Për të mbështetur idenë e tij, Berisha i referohet një deklarate në emisionin “Opinion” të analistit Baton Haxhiu, i cili tha se moralisht ministri Lleshaj duhej të jepte dorëheqjen.
Publikimi i plotë i Berishës
Lleshaj ministri i tretë që shkarkohet nga Baton Stanishiqi!
Miq, ata qe ndoqen mbreme ne TV Klan emisionin Opinion te Blendi Fevziut, kuptuan qarte se fati i Gjeneral Hashashit ishte vendosur. Vendimin e komunikoi si me plotfuqi Baton Stanishiq.
Natyrisht nuk kam dhe nuk mund te kem asnje keqardhje per largimin e Leshajt por nuk mund te pajtohem me faktin qe vendimet per kabinetin ne Tirane merren njelloj si 75 vjet me pare ne Beograd.
Miq, Lleshaj i cili politikisht ndjese paste nuk eshte i pari minister qe shkarkohet nga Baton Stanishiqi.
Para tij jane edhe Xhafaj dhe ne paraemerim por pas komunikimit nga Rama eshte edhe Veton Surroi, te cilin Beogradi nuk mund ta pranonte per shkak te qendrimit te palekundur qe ai ka mbajtur per pavaresine e Kosoves. sb
