Deklaratë e Partisë Lëvizja e Legalitetit.
Partia Lëvizja e Legalitetit, duke i shprehur ngushëllimet familjes Rasha për humbjen e njeriut të tyre të dashur, vrarë nga ana e policisë në mungesë të profesionalizmit dhe si rezultat i mënyrës së organizimit të policisë, i bashkohet kësaj dhimbje dhe ngre shqetësimin për këtë akt të pafalshëm ekstrem.
Kjo ngjarje e rëndë e paprecedent gjithashtu tregon për një polici të papërgjegjëshme duke u nisur nga imuniteti që i jepet asaj prej pushtetarëve të lartë duke e keqpordorë atë për interesa të tyre, prandaj sot kërkohet që Ministri i Brendshëm Lleshi të japë dorëheqje sa më parë.
PLL mbështet çdo insiativë qytetare, çdo proteste apo veprim tjetër me qëllim që nëpërmjet hetimit të prokurorisë e drejta të dalë në shesh dhe fajtorët të marrin dënimin e duhur duke bërë që akte të tilla të mos të përsëriten.
Jeta e qytetarëve vlen më tepër se çdo gjë tjetër.
ShtetLigjDrejtësi.
