Në kuadër të 30-vjetorit të lëvizjes së dhjetorit, kryetari i Partisë Demokratike, Lulzim Basha, Ish-kryeministri Sali Berisha dhe drejtues të PD, zhvilluan sot homazhe në monumentin e heroit të demokracisë Azem Hajdari, në “Qytetin Studenti” në Tiranë.
Basha dhe Berisha vendosen kurora me lule në nderim të liderit të lëvizjes studentore të vitit 1990.
Homazhe bënë edhe Sekretari i Përgjithshëm i PD, Gazment Bardhi, nënkryetarët Edi Paloka dhe Edmond Spaho, si dhe në emër të të rinjve, kryetari i FRPD, Belind Këlliçi.
Më 8 dhjetor nisi lëvizja studentore e cila trondit themelet e sistemit komunist, duke shënuar ardhjen e demokracisë. në vendin tonë.
