Nga Agron PREBIBAJ
Koha e Demokristianëve Shqiptarë!
PSHDK, po mbyll procesin më demokratik në hapsirën mbarë shqiptare
Të dashur demokristian/e të Kosovës!Ju keni disa muaj që keni vazhduar procesin zgjedhor brenda partisë tuaj, i cili ka zgjatur për arsye të pandemisë, por gjithsesi po e përmbyllni me sukses duke respektuar statutin e partisë, vendimet dhe udhëzimet e KQZ në këtë mandat 4-vjeçar.
Sinqerisht e kam ndjekur me vemendje e perkushtim këtë proces zgjedhor, së pari i shtyrë nga ndjenja për demokracinë kristiane, e së dyti për të ndjekur demokracinë e brendëshme në një parti demokratike të hapsirës mbarë shqiptare.
Ju tashmë po mbyllni kuvendet e BD me mjaft sukses, e kundrejt rregullave demokratike e ligjore, procesi më model për demokracinë shqiptare, të gjithë në formatin e zhvillimit e me shikim nga e ardhmja.Uroj suksese për secilin kryetar te deges dhe BD në këtë mandat 4- vjeçar.Ndersa të shtunën me 31 tetor, ju shkoni drejt kuvendit të madh, po ashtu në vazhdimsinë e rregullave të statutit dhe KQZ.Uroj që në krye të PSHDK, të zgjidhet përsonaliteti më mirë e më burriPolitikan në këte mandat 4-vjeçar, për të rritur e konsiliduar demokracinë kristiane në Kosovë.
Më duhet të theksoj, se sado që të shëndoshet e forcohet demokracia jonë e përbashkët, me patjetër se nuk do t’i shpetojmë, megallomanisë, intrigës, e pabesisë, e cila nuk është e lindur në Kosovë, por ajo ka lindë shumë më parë, e datuar 2000 vite me parë kur Juda tradhëtoi Jezusin, por edhe kur Hamzai tradhëtoi Gjergj Kastriotin, e përse jo edhe sot në kohën moderne të mos na shoqërojnë pabesisitë më të sofistikuara nga djalli njeri në gjirin tonë.Vetem durimi, maturia dhe fryma e debatit konstruktiv do fitojnë për të ardhmen e demokracisë tonë, tashmë e mbushur me frymë vllazërore e përendimore.Zoti i bekoftë Demokristianët e Kosovës!Urime!
Agron Prebibaj, Sekretar i Medias së PDKSH-së
