Nga Skerdjan DHULI
Moda e partive që dalin nga gjiri i PD vazhdon. Rrjedhshëm të gjitha me radhe në këto 30 vjet e kanë nisur rrugën për të matur peshën politike të atyre që i drejtojnë dhe me pas përfundojnë të gjitha në një vend. Rikthehen në PD ose harrohen në egzistencën e tyre.
Një mik i mirë dje bëri batutë me heshtjen tonë kur këto figura ishin në PD, apo edhe mbështetjen pakufi e herë pas here të papërligjur mbi ta. E kjo është jo pak e vërtetë.
Nëse e sheh me sy kirurgjikal mesiguri edhe ne jemi fajtorë ku shpesh kemi ngritur figura që jo gjithmonë kanë qenë vlerë për publikun ndërsa veprimet e tyre në mënyrën sesi e kanë trajtuar atë copëz pushteti që kanë pasur e kemi falur në heshtje. Kush ka guxuar të flasë e ka pësuar duke ju treguar dera prej tyre. Koha rrokullisi historinë dhe këta për arsye të ndryshme ndanë rrugët me PD.
Mirëpo të gjithë i bashkon një pikë: Kundërshtia ndaj Lulzim Bashës. Në 2013 kur karrigia e kryetarit mbeti e lirë, këta nuk guxuan të kandidonin, ama Bashën nuk e pranuan kurrësesi. A është Lulzim Basha i pagabueshëm ? Edhe atë po t’a pyesësh do thotë JO. E megjithatë kjo nuk mjaton që ata ndër NE që janë pronarë të kritikës të mos heshtin kundër tij, madje disa duke mos njohur limit e etikë.
Megjithatë mirë është që secili t’a njoh peshën e tij politike me zgjedhje e mbase më pas, sërish si të ngjashmit e mëparshëm edhe këta do e rigjejnë derën e PD. Deri atëherë, ne nuk duhet të merremi me ta, sepse kjo i shërben vetëm Edi Ramës si dhe mos harrojmë që rikthimi i tyre ndodh një ditë dhe sërish do duhet ta përtypim. Se siç ndodh në luftë, ushtarët më besnik vriten të parët.
