SHBA-ja kanë ditur, kur dhe si, të ndërhyjnë në momente deçisive në ndihmë të Kombit Shqipëtar.
DEKLARATË E PARTISË LËVIZJA E LEGALITETIT.
Partia Levizja e Legalitetit përshëndet dhe vlerëson takimin e Princit Leka II, me ambasadoren e ShBA z.Yuri Kim.
Ne vlerësojmë mesazhet e përcjella nga ky takim duke i ngelur gjithmonë mirënjohës ShBA-ës, për ndihmën e dhënë si në konstituimin e shtetit shqiptarë ashtu edhe në zhvillimin institucional të tij.
Për PLL, roli i ShBA-së, në kryerjen me sukses të reformave të fundit institucionale dhe në zgjidhjen e krizës së fundit politike ishin përcaktues dhe në funksion të zhvillimit të demokracisë.
Për ne, është një kënaqësi dhe privilegj që ShBA-ës mbeten partneri dhe aleati strategjik kryesorë i vendit tonë edhe për vetë faktin e origjinës së dyfishtë të Mbretëreshës Geraldinë si hungareze dhe si amerikane njëkohësisht.
Gjithashtu, Mbreti ZOG I, ka dhënë kontributin kryesorë në vitet ‘20-‘30, për vendosjen dhe forcimin e marredhënieve diplomatike me Amerikën, Ai krijoi të gjitha lehtësirat, nën rolin e Tij, për ndërtimin e legatës së ShBA në Shqipëri, kjo e para legatë e ndërtuar nga qeveria amerikane jashtë vendit të tyre.
Inaguruar me 27 Nentor 1930.
Ne i qëndrojmë konseguent pikës tonë programore, se vetëm ndryshimi i formes qeverisëse nga Republikë në Mbretëri i jep fund dallgëve dhe krizave të herë pas hershme në vendin tonë??
