Nga Shpetim Axhami, kryetar i PLL
Sigla e partisë ruan identitetin e saj dhe pluralizmin politik në terësi!
Çdo subjekt politik duhet të ketë identitetin e vet statutor dhe programor, në çfardo lloj kualicioni.
Pa siglën e vet në fletën e votimit, e pa konvertimin në numer votash për këtë subjekt, humbet ky identitet duke dëmtuar rëndë subjektin, pluralizmin dhe demokracinë.
Edhe kjo është një arsye, pse duhen kualicionet parazgjedhore dhe jo kualicione me listë të përbashkët, sidomos kjo në një demokraci të re dhe të pa kristalizuar si duhet.
Heqja e kualicioneve parazgjedhore, siç edhe deklaron Rama, është përpjekje e Tij e fundit për mbatjen e pushtetit të pamerituar, kjo pa marrë parasysh dëmtimin e pluralizmit politik.
Heqja e kualicioneve parazgjedhore, me teorinë e kandidimit me lista dhe program të përbashkët zgjedhor do të sjellë probleme edhe për kualicionin opozitarë aktual, duke i lehtësuar mbatjen e pushtetit kësaj mazhorance.
Subjektet politike serioze, për të ruajtur identitetin e tyre politik dhe programor, edhe me alternativa të veçanta brenda kualicionit, do të shikojnë të gjitha mundesitë e vetkandidimit edhe pa kualicion në emë r të identitetit politik.
Marrveshja e 2017 dhe mosmarrja pjesë në zgjedhjet lokale të 2019, ka bërë që prej 7-vitesh ose dy palë zgjedhjesh këto subjekte të mos përfaqësohen me siglën e tyre ne fletet e votimit.
Kjo mospjesmarrje ka berë që këto subjekte të demtohen në identitet,(KQZ, fushatë, fletë votimi, alternativë programore etj) dhe në strukturë duke u shkëputur shumë prej saj.
Çdo kualicion, ku mungon sigla e subjekteve politike duke mos e identifikuar votën e tyre, nuk është më kualicion por vasalitet i papranueshëm ashtu si 1/3 lista të mbyllura është një hermetizim i tyre dhe një parapërcaktim i fituesve.
Grupet e punës, tryezat politike duhet me patjetër të gjejmë formulën e kandidimit duke ditur partitë e kualicionit parazgjedhorë dhe duke ruajtur identitetin e çdo subjekti me sigël dhe kandidatë përkatës.
Identifikimi me sigel dhe kandidatë forcon pluralizmin politik dhe maksimalizon votat e një kualicioni të gjërë, aq më tepër kur ky kualicion është ngritur mbi bazën e një kauze dhe ka funksionuar për një kohë të gjatë.
Çdo pērpjekje për të detyruar subjektet e tjera të marrin pjesë në një kualicion pa identitetin e tyre dhe aq më keq duke ju vështirësuar, ligjërisht, regjistrimin e tyre si te pavarur vret pluralizmin dhe demokracinë e një vendi.
