“Shembja e Teatrit Kombëtar, është fundi i pashmangshmën për qeverisjen kriminale të Edi Ramës, i cili, sot guxoi të vërë dorë mbi memorien historike dhe të pluhurosë vlerat identitare të një kombi”, kështu është shprehur në një reagim të ashpër ish-deputeti Eduart Ndocaj, i cili ka qenë një nga mbështetësit e hershëm të kauzës në mbrojtje të Teatrit Kmbëtar.
Përmes një video-prononcimi, Ndocaj, e ka konsideruar një bastard të paskrupullt kryebashkiakun Veliaj, i cili përmes një votimi të manipuluar me monokëshillin e bashkisë së Tiranës, si dhe me nxitimin për ta shembur dëshmoi qartësisht se është peng i tepsisë së oligarkëve, duke u krijuar kushtet e hapjes së mundësisë për ndërtimin e kullave në truallin e këtij teatri.
Ish-deputeti, ka lëshuar një thirrje të fortë për të gjithë shqiptarët, duke u kërkuar atyre, të ngrihen fuqishëm dhe të përmbysin këtë kastë oligarkësh, si dhe të hedhin në kazanët e plehrave, kryeqeveritarin Rama dhe shpurën e tij politike, pasi, tashmë diktatura është fakt, dhe cdo vonesë në reagim sjell pasoja për fatet e lirisë dhe të demokracisë në vend.
