Nga Shpëtim Axhami, Kreu i PLL
Shqipëria ështē në njē moment ku tërmeti dhe pandemia kanë shkaktuar probleme të mëdha ekonomike dhe sociale.
Gjithashtu, kriza politike, mos funksionimi si duhet i institucioneve ligjore kushtetuese, kjo qeverisje e papërgjegjshme për detyrën ndaj qytetarëve, kanë bërë që situata të jetë kjo aktualja, ekonomi e dobet, humbje shprese dhe kthim drejt shtetit autoritarë.
Jemi nē një moment krize të tillë, ku kërkohet nderhyrje urgjente për të zgjidhur kolapsin ekonomik në ndihmë të biznesit dhe të qytetarëve.
Njëkohsisht, kërkohet reforma zgjedhore me afate të përcaktuara mes palëve, për të i’u ndezur dritën jeshile zhvillimeve të reja politike, ekonomike, sociale dhe per të krijuar mundësi për hapjen e negiocatave për në BE, ndërkohë këtu tek ne ndodh e kunderta…
Mazhoranca, KM, pse jo dhe segmente të tjera të politikës ndërmarrin veprime dhe vendime të panevojshme, për të larguar vemendjen nga gjërat thelbesore, me qëllim që mbi këto të fundit të veprojnë si duan të interesuarit.
Ndërveprimet e fundit;
-Të legalizojmë kanabisin.
-Përshpejtimi për prishjen e TK.
-Sulmi ndaj Tv-Ora dhe fjales së lirë.
-Deklarata paraprake për vija të kuqe në raport me opozitën etj…kanë si qëllim!
Largimin e vëmendjes së qytetarëve dhe errësimin përpara asaj për të cilën qytetarët mund dhe duhet të flasin me gjuhen e tyre demokratike popullore.
Eshtë momenti, ku ne duhet të jemi shumë më të përgjegjshëm për atë që po bëhet mbi të drejtat dhe liritë tona.
Në radhe të parë, largohet vëmendja nga çdo problem ekonomik në tërësi, duke justifikuar paaftësine për të zgjidhur këto probleme të shkaktuara, kryesisht, nga termeti dhe pandemia.
Këto tymnaja ç’orientuese, gjithashtu kanë të bëjnë me deshtimin në afat të reformës zgjedhore dhe në bërjen e një reforme në momentet e fundit, sipas interesave duke mos e ndryshuar atë thelbesisht.
Këto artifica jo normale, në momente kur priten ndryshime të mëdha, jo vetëm zgjasin vuajtjet ekonomike dhe shkatërrojnë biznesin, por zgjasin tranzicionin dhe shkatërrojnë themelet e demokracisë duke monopolizuar çdo gjë në vazhdimësi.
Prandaj është e domosdoshme që opozita të intensifikojë aksionin e vet politik e bashkuar, e hapur dhe konkrete, ndërkohë qytetarët të mos pajtohen me asnjë padrejtësi, por të reagojnë për të ndryshuar gjithçka në të mirë të tyre, kunder autoritarizmit që po kërkohet të na imponohet dhe kunder atyre që përhapin tymnaja për të miratuar kode e ligje për interesa subjektive.
