Nga Dom Gjergj Meta
Fitoni betejën brenda vetes. Atë më të dhunshmen e më të fortën. Është investimi më i madh i jetës. Si ta keni fituar atë betejë, këto të tjerat janë veçse pasoja.
E cili është armiku në këtë betejë?
Frika. Po po frika të dashur miq.Frika se humb! Frika se dështon! Frika se nuk je i rëndësishëm dhe në qendër të vëmendjes.
Frika se dikush mund të të zërë vendin. Frika se humb çfarë ke grumbulluar. Këto frikëra na bëjnë diktatorë të vetvetes dhe të të tjerëve. Si mposhtet kjo frikë?
Si mund të çlirohesh prej saj?Kur nuk e identifikon jetën me humbjen, me dështimin, me rëndësinë dhe dukjen para të tjerëve, me postin që ke, me çka ke grumbulluar në jetën tënde.
Kur jetën e çmon jetë e kaq, atëherë je i lirë, nuk ke frikë. Kur je i lirë edhe prej vetë jetës dhe i lirë ta dhurosh atë.
Vetëm atëherë ke mundësi të jesh si reja që i bindet erës dhe vallëzon në qiellin pa fund. Vazhdim të këndshëm…
+ dom Gjergji
