Nga Skerdjan DHULI
Po vazhdon të mbajë të izoluar popullin vetëm e vetëm për egon e tij dhe për qëllime tërësisht fushate elektorale. Përveçse po varros ekonominë, po çon shoqërinë në depresion, po shkatërron edhe sektorë të tjerë të jetës publike si arsimi, sporti shëndetësia etj.
Me shpikjen e mësimit online i ka çmendur prindërit, nxënësit dhe ka lënë pa mësim të varfërit.Njëkohësisht më duhet të kujtoj se zonat e prekura nga tërmeti kanë edhe dy javë mangët në mësim ç’ka përfundimisht nëse shkolla nuk hapet javën që vjen, ky vit është i marrë fund.
Njerëzimi do jetoje sa të ketë toka jetë por raporti mësues-nxenes nuk do ndryshojë. Bota po heq detyrat e shtëpisë pikërisht për shkak të këtij raporti.Mirëpo çfarë do të bëjmë me maturantët ? Si dhe kur do pregatiten për provimet ?
Po ata që duan të studiojnë jashtë Shqipërisë ?
Pra pasojat e çmendurisë bëhen tejet të rënda. Njëkohësisht izolimi vret edhe shëndetin publik pasi rritja e stresit, paniku, mungesa e aktivitetit fizik dhe qenia larg kontrollit tek mjeku bëjnë që sëmundjet e mundshme tek njerëzit të bëhen male të pakalueshme me kosto financiare apo edhe jetësore (largeqofte por plotësisht e mundur).
Atëherë pse duhet të zgjatet izolimi ?Që Edi Rama të vazhdojë të duket shpëtimtar i Shqipërisë ? Që të vazhdojë fushata elektorale e tij ? Që ai të vazhdojë vjedhjen edhe të atyre pak parave që i kanë mbetur arkës së shtetit ?
Prandaj karantina duhet të zhduket sa më parë dhe njerzit t’i kthehen jetës normale. Gjithçka aktuale është vetëm në shërbim të Ramës.
