Më shumë kohë përgatitjeje dhe njerëzit që u binden masave të mbylljes kanë ndihmuar Portugalinë që të menaxhojë shpërthimin e koronavirusit.
Portugalia ka numër rastesh infeksioni COVID-19 dhe shkallë vdekshmërie shumë të ndryshme në krahasim me Spanjën fqinje, një nga vendet më të goditura ë Europë.
Pulmonologu Dr Filipe Froes, këshilltar i shefit të shëndetësisë Graça Freitas, tha se Portugalia kishte përfituar nga shembulli i Madridit për sa i përket përhapjes së virusit. Çka i ka dhënë vendit kohë për të përgatitur spitalet dhe për të rritur kapacitetin në njësitë e kujdesit intensiv.
“Kishim më shumë kohë për t’u përgatitur. Tre javë prapa Italisë dhe rreth një javë e gjysmë pas Spanjës, na dhanë kohë, ditë të çmuara, për t’u përgatitur. Mendoj se ndryshimi kryesor ishte edhe angazhimi i hershëm i mjekëve të kujdesit parësor”, i tha Dr. Froes “ Euroneëws”.
Portugalia shpalli një gjendje të jashtëzakonshme më datë 18 mars, vetëm dy ditë pasi u raportua vdekja e parë COVID-19.
Në kohën e shkrimit, Portugalia ka konfirmuar 535 vdekje COVID-19, rreth 52 vetë për një milion të popullsisë.
Në Spanjë, më shumë se 18 000 kanë dekur nga sëmundja, pra 385 vdekje për një milion banorë. Shkalla e infeksionit të Madridit është gjithashtu sa dyfishi i Lisbonës.
Freitas, Drejtori i Përgjithshëm i Shëndetësisë në Portugali, tha se 88 përqind e rasteve të konfirmuara të vendit po qëndrojnë në shtëpi dhe nuk kërkojnë trajtim spitalor.
Një studim nga Universiteti Nova të Lisbonës tregon se riprodhimi i COVID-19 në Portugali ishte më i ulëti në Evropë gjatë 25 ditëve të para të epidemisë.
Dr. Froes beson se bindja e qytetarëve ka qenë thelbësore në parandalimin e përhapjes së mëtejshme të virusit.
“Shumica e aktiviteteve janë të mbyllura, siç janë shkollat dhe aktivitetet tregtare, dhe shumica e njerëzve zakonisht ndjekin rregullat dhe ne zbatojmë rekomandimet e qeverisë”, tha ai.
Eduardo Cabrita, Ministri i Administratës së Brendshme të Portugalisë, tha se portugezët treguan frymë qytetare në përputhje me rregullat gjatë fundjavës së Pashkëve.
Të premten, presidenti Marcelo Rebelo de Sousa propozoi zgjatjen e bllokimit kombëtar deri në 1 maj.
Por, pavarësisht nga shenjat premtuese, zyrtarët paralajmërojnë se mund të jetë ende herët për të vlerësuar reagimin e Portugalisë ndaj koronavirusit. Autoritetet kanë frikë se sëmundja mund të përhapet me shpejtësi nëpër shtëpi kujdesi siç ka në pjesët e tjera të Evropës.
Portugalia ka riatdhesuar rreth 4 000 qytetarë nga jashtë dhe u ka dhënë të drejta të shtetësisë emigrantëve dhe azilkërkuesve që kanë aplikuar për qëndrim në zhvillim. Masa kishte për qëllim të sigurojë më shumë njerëz në vend që të mund të kenë qasje në sigurimet shoqërore dhe kujdesin shëndetësor.
