Nga Hamdi Skeja
Çdoherë që Kryeministri ynë jep deklerata, jep fjalime të tipit “komunist “ del gjithmon një turrë dhimbjesh dhe padrejtësish ku nxjerrin në dritën e diellit dështimin e tij dhe të qeverisë së tij. Sepse Kryeministri dështak , qeveria e 6% nuk funksionon nëse nuk ke teserë partie të Rilindjes!
Nëse ky njeri i pafytyrë dhe i padinjitet dhe i paaftë e ftoj të më kundërshtoji mbi këto fakte!
Të vetëpunësuarit në Diber u dyndën të hapin llogari në bankat e nivelit të dytë për të përfituar atë që qeveria e quan “pagë lufte”, por mjaft prej tyre e gjetën veten të refuzuar dhe jashtë listës së ndihmës.
“E mbyllëm të gjithë thone tregtarët, pasi kishim frikë. Por edhe po ta kishim hapur, kujt i shkon mendja tek mallrat tona. Ne dëgjuam kryeministrin. Jemi nën 14 milionë lekë (xhiro vjetore) dhe jemi biznes i vogël familjar. Duhet të përfitonim, por jemi refuzuar,” thone ate të zemëruar.
Përmes një postimi në Facebook, kryeministri Edi Rama tha se deri më 9 prill kishin përfituar mbi 49 mijë biznese dhe 86 mijë punonjës. Ndërsa vazhdoi të grindej me komentues që kërkonin ndihmë, ai premtoi zgjerimin e listës së bizneseve që do të përfitonin, por pa dhënë detaje.
Refuzimet e shumta dhe sinjalet konfuze nga qeveria mbajnë në pasiguri me qindra biznese të vogla dhe punonjësit e tyre të papaguar.
“Po cila nga këto biznese ka punuar në këto kushte? Veç tregtisë së barnave dhe mallrave ushqimore, shumë aktivitete të cilat lejohen, por që varen nga aktivitete të tjera (të mbyllura) apo qoftë për shkak të detyrimit të qytetarëve për të mos dalë realisht kanë stopuar.
Sipas te dhënave mbi 50 % e atyre që aplikuan janë refuzuar, ndërkohë që një pjesë e bizneseve po bënin ankim në një situatë të paqartë.
Procedurat për të përfituar “pagën e luftës” kanë sjellë probleme shtesë në qytet.
Numri i madh i bizneseve që duan të përfitojnë nga ndihma e qeverisë krijuan radhë shqetësuese në bankat e nivelit të dytë në qytet,ku duhej të hapnin llogaritë bankare. Në pritje të radhës qysh në orët e para të mëngjesit, qytetarët kanë pasur mungesë të maskave dhe distancimi i këshilluar fizik ka qenë thuajse i pamundur për t’u respektuar.
Përfituesit më të shumtë të pagës së luftës janë baret e restorantet si dhe parukeritë nën kufirin 14 milionë lekë.
Do të duhej që Drejtoria e Përgjithshme e Tatimeve të përgatiste vetë listën e bizneseve përfituese dhe pagën ta niste përmes shërbimit postar.Subjektet që mendojnë se janë penalizuar, mund të kishin të drejtën e ankimimit për mospërfshirje dhe kjo evitonte këtë situatë që po hasim tani.
