InfoPressAlbania
Nisma më e re e dy iniciatoreve Daniela Lleshi, psikologe e shkollës “Gjokë Elezi” dhe Mati Ndoj, ish arsimtare e qytetit të Laçit, e cila sot drejton një bisnes privat, po merr përmasa të mëdha.
Filloi si një dëshirë dhe xhest i thjeshtë, në mënyrë që banorët e një lagjeje në Kurbin të bashkoheshin për të ndihmuar familjet në nevojë, në këto ditë të vështira. Komuniteti u ndërgjegjësua shumë shpejt, sidomos për fëmijët e familjeve në vështirësi, duke ju dhuruar atyre buzëqeshje në katantinë.
Janë mbledhur plot 100 pako dhe vlen të theksohet fakti se të gjitha janë dhuruar nga familje me të ardhura mesatare.
Sa bujarë janë kurbinasit, sa bujarë janë shqiptarët!
Shumë individë, biznese, u bashkuan pa e menduar dy herë, për të lehtësuar sadopak karantinën në prag të Pashkëve!
Ajo që deshën këto dy vajza të bëjnë dhe tregojnë, ishin ndjenjat e forta të humanzmit!
Nuk po futemi të prekim hallet që e kanë kapluar Kurbinin dhe mbarë Shqipërinë, por po shprehim solidaritetin, mirënjohjen dhe dashurinë e shqiptarit për çdo vepër të mirë që bëhet për njerëzit e thjeshtë e të varfër.
Shumë tryeza do të jenë bosh, por me vepra të mira mund të arrijmë të mbushim tryezat e zemrat e atyre që kanë nevojë.
Pashka është e të gjithëve, sidomos e një vendi si Shqipëria e cila dallohet për tolerancën fetare!
“Buzëqeshje në karantinë” ngrohu disa zemra dhe gëzoi shumë fëmijë duke u kthyer për pak ditë, në misionin më të bukur të ndodhur së fundmi në Kurbin.
Bravo për inisiativën, vullnetin, mos dorëzimin dhe realizimin e një misioni kaq njerëzor.
Vepra të tilla i duhen Shqipërisë së karantinuar!
