Nga Lirim NEZHA
“Mëshira është malli më i pavlefshëm në botë,është faqja e pasme e gëzimit të lig që ka njeriu për fatkeqësinë e tjetrit.”
Këtë postulat të shkrimtarit të famshlm Remark është mirë që ta mbajnë në kornizë në zyrat e tyre të gjithë ata që mëshirën ndaj të varfërve e shesin për bamirësi.
Bamirësia nuk ka nevojë që t’i vesh emër.
“Të mirën hidhe në det dhe të vjen në kripë”,thotë populli.
Por nuk e dine këtë kryebashkiakët apo zyrtarët e shtetit që nuk lene rast pa bërë një foto kur çojne një qese ushqime në një derë të varfër.
Dhe jo vetëm zyrtarët,por cilido që i kushton më shumë rëndësi fotove dhe vidiove se sa vetë ndihmës për të varfërit.
Duhet ta mbajë parasysh edhe Elvis Naçi qe predikon librat e shenjta. Ato libra e thonë qartë,:”Kur dora e djathtë jep,nuk duhet ta shohi e majta.”
Duhet ta dinë edhe të gjithë ata që i janë sulur sot Elona Casllit për një shkrim ndaj këtij fenomeni dhe e kanë bërë “flrtele” me fyerje gjithëfarëshe.
Ndaluni!
Askush nuk është i pagabueshëm në këtë botë. As Elvis Naçi,pavarësisht aktivitetit të tij bamirës.
Bota është e bukur sepse është e larmishme në mendime. Askush nuk na pengon të kemi mendimet tona,por jo duke ushtruar dhunë ndaj mendimit të të tjerëve. Le t’i gëzohemi lirisë për ta thënë atë që mendojmë.
Zoti është një dhe Elvisi nuk është i dërguari i tij në tokë,por një misionar që ka zgjedhur të flasë në emër të tij.
Por kjo nuk e bën atë të pa prekshëm ndaj larmisë së mendimeve dhe ndjesive që ngjall në publik aktiviteti i tij.
