Nga Elona CASLLI
Duhet krijuar një gjuhë e re për të përshkruar përbindëshin në krye të bashkisë. Sa më shumë kalon koha, aq më tepër bindem se nuk mjaftojnë gjuhët e kësaj bote, për të përshkruar perversitetin e një qenieje të tillë.
Dita e djeshme do ta na përballte me një takim krejt të “rastësishëm” midis kreut të bashkisë dhe një gruaje të moshuar.
Në këtë takim krejt të ” rastësishëm” gruaja e moshuar do t’i pohonte përbindëshit Veliaj, se kishte 25 vite që djali i saj kish vdekur dhe po i ringjallej ditën kur kryetari i bashkisë po i trokiste në derë. Krejt ” rastësisht” kjo bisedë do të filmohej dhe do të shfaqej në profilin e përbindëshit Veliaj.
Dua të besoj se gjendja mendore e asaj gruaje nuk është në rregull, pasi në rast të kundërt duhet përdorur si kavje studimi dhe si gjurmë e denjë e Njeriut të Ri. Do të mund të shërbente krejt mirë si kufomë për të kuptuar anatominë e Njeriut të Ri, për brezin e ri.
Po krejt “rastësisht” kjo kufomë e moshuar mbi dhè, do t’i pohonte përbindëshit Veliaj, se punën që po bënte kryeministri Rama, nuk po e bënte asnjë udhëheqës në botë.
Dhe përbindëshi Veliaj, me jargavitjen tipike të një kërmilli dhe me terminologjinë tipike të një komunisti do të shprehej- Komandatin e kemi të mirë, po nuk ia di kush.
Dhe e gjithë kjo situatë do t’i plasej në surrat taksapaguesve shqiptarë, si punë e kryetarit të bashkisë.Erion Veliaj, ky përbindësh i paskrupullt, me asnjë tipar njerëzor veç gjymtyrëve, jo vetëm që bën porno me varfërinë 24 orë mbi 24, por ringjall në mes të ditës edhe kufoma që qelben erë komunizmi.Këto pamje dhe këto biseda çnjerëzore, ku Partia dhe Komandanti shfaqen me zë dhe figurë, në shoqëri të shëndetshme do të ndaloheshin me ligj.
Erion Veliaj është si një mish i huaj në mitrën e këtij vendi. Ai duhet hequr me shpejtësi dhe më pas i duhet bërë biopsia këtij kombi, duke shpresuar se ky komb nuk është i dënuar me vdekje.
Post Scriptum- Duhet vepruar, para se të hapen metastazat në trupin e këtij kombi të sëmurë.
