Nga, Dritan SHANO
‘Po-ja’ e Këshillit të Ministrave të Bashkimit Europian për hapjen e negociatave me Shqipërinë, ngarkon me përgjegjësi të madhe e të rëndë të gjithë klasën politike shqiptare!
Ajo është një sfidë e hapur për t’i dhënë fund hileve, abuzimeve dhe spërdredhjeve të deritanishme nga politikanet; që shqiptarët, qytetarët më të varfër dhe më të vuajtur nga politika e përçarjes dhe e sundimit e jo e qeverisjes, më në fund të kenë një sistem gjyqësor që e bën Shqipërinë shtet të së drejtës, ku kryhen zgjedhje të lira e të ndershme dhe ku shqiptarët nuk përfaqësohen nga kriminelë ordinerë por nga njerëz me integritet individual dhe profesional, dhe ku qeverisja është transparente dhe e përgjegjshme, që respekton pronën private dhe iniciativën e lire.
