Unë nuk jam në qeveri. Unë jam thjesht gazetare dhe nuk bëj propagandë- do të shpreheshit ju, zonja Xhunga.
Para se të pohoni çka jeni, apo çka nuk jeni, është mirë të shqyrtoni raportin që keni me të vërtetën, se ka gjasa që të dilni në përfundim tjetër.
I quajtët “gomerë”, ata që shpresojnë dështimin e Ramës në këtë gjendje, në mënyrë që ai të ikë nga pushteti.
Duke qenë se nuk jeni gazetare e qeverisë, duhet të kuptoni se dështimi i Ramës, është i qartë tashmë për çdo shqiptar.
Nuk pritet kjo provë për ta nxjerrë Ramën të dështuar apo të suksesshëm.
Në ndryshim nga ju, unë besoj se çdo shqiptar në këto çaste, e ka të qartë, që ka veçse dy gjëra që duhen bërë- Të qëndrojnë në shtëpi dhe të dëgjojnë mjekët.
Ramën e besojnë vetëm gazetaret e qeverisë (ku ju nuk bëni pjesë) dhe të ngjashmet e këtyre gazetareve në kabinetin e tij qeveritar.
Post Scriptum- Në harmoni të plotë me mendimin tuaj, teksa nënvizuat faktin, se mënyra e të ushqyerit të Ramës në kushtet e izolimit, ishte interesante.
