Pasi ka kaluar një gjendje shëndetësore jo të mirë dhe i është nënshtruar një ndërhyrje kirurgjikale, ish-deputeti Eduart Ndocaj, përmes një videokomunikimi ka bërë një analizë të aktualitetit politik, duke u fokusuar më së shumti tek zhvillimet e fundit si dhe tek përplasjet Presidencë-kryeministri, të cilat, sopas “kaubojsit” janë tregues i tranzicionit të tejzgjatur që ka mbërthyer Shqipërinë dhe që po mban pezull aspiratën integruese të shqiptarëve në familjen e vlerave europiane.
Pasi ka falënderuar ndjekësit e tij të shumtë që u solidarizuan dhe shprehën mesazhe të panumërta urimi për përmirësimin e gjendjes shëndetësore, Ndocaj, menjëherë është shfaqur kritik i ashpër ndaj qeverisjes së vendit, e cila përpiqet të ndërtojë një realitet të gënjeshtërt në sytë e ndërkombëtarëve.
Europa e do Shqipërinë, -shprehet ish-deputeti, dhe këtë gjë e tregoi konferenca e donatorëve, ku një mbështetje e fuqishme që iu dha Shqipërisë për rimëkëmbjen pas tërmetit të 26 nëntorit, erdhi pikërisht si qasje pozitive e europës ndaj popullit shqiptar dhe jo si mbështetje ndaj qeveritarëve të korruptuar të këtij vendi.
Rama të mos bëj propagandë me donacionet, pasi Europa i dha për shqiptarët, për popullin e Gjergj Kastriotit dhe të Nënë Terezës dhe jo për qeveritarët dhe ministrat, sepse ata janë të skeduar në kalendat europiane si të korruptuar dhe të lidhur me krimin.
Ja video-komunikimi i plotë:
