Presidenca paralajmëron konferencën e radhës për shtyp në ora 17:00 për të sjellë, siç thotë zëdhënësi i Ilir Metës, fakte të reja tronditëse.
Në një postim në “Facebook”, Tedi Blushi ka edhe një falënderim të veçantë për të gjitha ‘portalet e Rilindjes’.
Konferenca për mediat do të jetë në orën 17:00, ndërkohë që prej disa ditësh mes Presidentit Ilir Meta dhe maxhorancës ka nisur një ‘luftë’ me akuza e kundërakuza. Meta ka folur për një grusht shteti që po tenton të bëjë maxhoranca dhe nga ana tjetër maxhoranca ka deklaruar se grushti ishtetit ka nisur në kokën e tij.
“Të dashur gazetarë! Së pari më lejoni të shpreh një falenderim të veçantë për të gjitha portalet e Rilindjes, për imagjinatën dhe akuzat e shfrenuara, teoritë konspirative, shkrimet e porositura, dhe memet e jashtëzakonshme, që gjithmonë do gëzojnë simpatinë tonë për dozat e forta të humorit e haresë që shkaktojnë.
Këto ditët e fundit keni qenë të paparë dhe faleminderit se na keni zgjatur jetën!
Ta shtoni edhe më shumë dozën, por pa e kaluar në overdozë Bablokun tuaj që edhe gënjeshtrat që vetë ja u porosit, kur i lexon nga dora juaj i beson si të vërteta!
Së dyti, i ftoj të gjithë gazetarët, sot në ora 17:00, në konferencën e radhës për shtyp të Presidentit të Republikës Sh.T.Z Ilir Meta!
Fakte të reja tronditëse që dëshmojnë se si po realizohet grushti i shtetit! NUK KENI PARË GJË AKOMA!
ME QETËSI DHE DREJTËSI!”, shkruan Blushi.
