Ministrja e Shtetit për Marrëdhëniet me Parlamentin, Elisa Spiropali nuk është kursyer ndaj prësidentit Ilir Meta, i cili lajmëroi për një protestë kundër grushit të shtetit, në 2 mars.
Spiropali tha se keqardhja për Ilir Metën nuk ka të sosur, ndërsa nënkuptoi se do vijojnë punën për shkarkimin e presidentit.
Pas kësaj, ka reaguar menjëherë zëdhënësi i Metës Tedi Blushi, ku paralajmëron mazhorancën se do e shohë shumë shpejt zemërimin e popullit.
“Moj e Çmendura E., po edhe për grushtin e shtetit keni marrë konsensusin e SHBA-BE? Se Venecian që vetë e kërkuat, po vetë e përzutë!
Megjithatë, ne nuk nxitohemi! Po presim edhe opinionet zyrtare të EURALIUS-it. Se kështu mashtruat ju edhe për opinionet që nuk ekzistojnë të KED, Shkollës së Magjistraturës, dhe Komitetit Shqiptar të Helsinkit, që shkëlqeu me delegjitimimin e ligjit tuaj anti-kushtetues të betimit buzë Lanës.
Mbani fort oligarkët se ata janë të besës. Sa për popullin, do e shihni shumë shpejt! Edhe pak durim! Me qetësi dhe drejtësi!”, shkruan ai në rrjetet sociale.
Blushi thekson se nuk ka koment për gjuhën jashtë kontrollit, ndërsa me ironi thotë se Spiropali i udhëheq në këtë drejtim bashkë me “Skënderbeun”, duke nënkuptuar kështu kryeministrin Edi Rama.