Banorët e Astirit janë lajmëruar të enjten nga punonjësit e IKMT-së por banorët pretendojnë se janë lajmëruar vetëm verbalisht dhe jo përmes jë shkrese, ndërsa pretendojnë se është anti-ligjore ndërhyrja e autoriteteve për shembjen e godinave.
Sipas tyre qeveria pa asnjë dokument, me një tender fiktiv, pa asnjë projekt po kalon të gjitha paratë për të shkatërruar shtëpitë e tyre dhe për të ndërtuar pallate.
“Prej më shumë se një viti kemi kundërshtuar ktë projekt, edhe sot u mblodhëm për ta kundërshtuar. Ato nuk paskën ardhur, por eksperienca tregon se mos vijnë sot do të vijnë nesër. Mëndojnë se kanë fituar betejën me banorët e Unazës së Re, vijnë si banditë, nuk lajmërojnë banorët për prishjen e shtëpive”, tha njëri nga banorët.
Banorët janë shprehur gjithashtu se nuk ka asnjë të akuzuar për atë që e qujanë si aferë korruptive, duke bërë thirrje edhe ndaj opozitës që të mbajë zotimin se do të marrin dëmshpërblimin 100% për pronat e tyre. Ata kanë parlalajmëruar se ata që do të shkojnë në shkelje të ligjit, do të përballen me rezistencën e tyre pavarësishty presioneve.
“Nuk na kanë pranuar denoncimet që kemi bërë, asnjë dokument nuk na kanë sjellë, sepse nuk kanë. Jemi gjithë natën zgjuar, dhe do të qëndrojmë. Duam zbatimin e ligjit”, tha një tjetër banor.
