Pronarët e një shtëpie në Lavenham të Suffolk, Tony dhe Jane Ranzetta, ranë dakord që shtëpia e tyre të përdorej në filmin “Harry Potter and the Deathly Hallows”. Sipas filmit në atë shtëpi lindi magjistari i njohur Harry Poter dhe Lord Voldemort vrau prindërit e tij.
Pronarët thanë që asokohe e konsideruan ofertën një gjë të veçantë dhe u ndjenë të privilegjuar kur u përzgjodhën, por nuk e kishin menduar asnjëherë se shtëpia e tyre do të mbetej pa u shitur për shkak të filmit.
Në raste të tjera si tek “Kevin, i vetëm në shtëpi”, “Friends”, etjerë kur një objekt bëhet pjesë e filmave të suksesshëm, vlera e tij rritet në shifra të paimagjinueshme, por në këtë rast ka ndodhur e kundërta.
Familja Ranzzeta shpjegon se tashmë shtëpia e tyre konsiderohet “e mallkuar”, teksa thonë se prej më shumë se dy vitesh e kanë nxjerrë në treg për ta shitur dhe nuk ja kanë arritur dot.
Madje ata shtojnë se kanë ulur disa herë çmimin e saj për të afruar blerësit, por sërish njerëzit nuk e preferojnë. Sipas tyre qindra vizitorë dhe adhurues të Harry Potter vijnë pothuajse çdo ditë për të vizituar shtëpinë në fjalë, por sipas tyre ata nuk kanë përfituar as nga kjo gjë.
