Ish-deputeti Eduart Ndocaj, përmes një postimi në profilin e tij facebook, ka reaguar ashpër ndaj një pjese të elitës politike shqiptare, ku ende pas 29 viteve pluralizëm politik, shqiptarët vazhdojnë të udhëhiqen dhe të drejtohen nga individë të nomenklaturës komuniste dhe me lidhje të afërta me sistemin monist, i konsideruar ndër sistemet më diktatoriale të globit, ku shumë qytetarë u internuan në kampet famëkeqe të asaj kohe.
Në ragimin e tij, Ndocaj është ndalur posacërisht tek emri i Spartak Brahos, i cili së fundmi është përfshirë në një konflikt verbal me Agron Tufën, ku ky i fundit u detyrua të lrgohet nga vendi për të kërkuar azil.
Ndocaj, e konsideron të patolerueshëm dhe të papranueshëm faktin, se si një ish-prokuror i sistemit monist vazhdon të jetë dirigjent i shumë skemave politike që ndiqen sot, si dhe një njeri me mjaft peshën në jetën politike të së majtës.
Ndonëse, Ndocaj e ka të qartë se fijet e monizmit, si sistem që ka dominuar jetën e vendit për afro 5 dekada është e vështirë të këputen, ai prapëseprapë apelon për reagim të fuqishëm qytetar, duke kërkuar që shqiptarët të ngrihen dhe të shporrin njëherë e mirë këtë të keqe që u ka mbirë shqiptarëve në votrat e tyre.
Në thirrjen e tij, Ndocaj ka shfrytëzuar vargjet e rapsodit të mirënjohur Dervish Shaqja, “O moj Shqypni mos thuaj mbarova”, për tu sjellë në vëmendje se është koha për të kapërcyer këtë gjendje dhe për ti dhënë fund tranzicionit politik me figura rrangallë që sot janë në shërbim të betimit ideologjik të tyre, për të mos e lëshuar Shqipërinë nga ndikimi i etërve të tyre.
